Admission open 2024

તેજસ્વી તારલા

 

ધોરણ 10 અને 12 ના વિદ્યાર્થીઓનો ગ્રુપ ફોટો

વય નિવૃત શિક્ષિકા શ્રીમતી ભાનુબહેનનો સન્માન કાર્યક્રમ તથા ધોરણ 10 અને 12 ના વિદ્યાર્થીઓનો શુભેચ્છા સમારોહ.

 

@ વય નિવૃત સન્માન સમારોહ@

ભૂતપૂર્વ વિદ્યાર્થી સ્નેહમિલન

=>>શાળા પરિવાર આજે ગૌરવ લઇ રહ્યું છે કે આ સંસ્થામાં અભ્યાસ કરી ગયેલા ભૂતપૂર્વ વિદ્યાર્થીઓ સરકારી કે પ્રાઈવેટ કંપનીઓમાં ઊંચી પોસ્ટ પર બિરાજમાન છે અને વર્ષો પહેલા હતા અને કેટલાક વિદ્યાર્થીઓ સારા એવા ધંધા રોજગાર ચલાવી રહ્યા છે. આવા વિદ્યાર્થીઓ જયારે શાળાની મુલાકાતે આવે છે કે સંસ્થા પર ફોન કરે છે ત્યારે ખૂબજ આનંદ સાથે લાગણી અનુભવીએ છીએ.
=>>આજે શાળા પરિવાર તમારા આવા પાવન શિક્ષણ મંદિરમાં અભ્યાસ કરતા વિદ્યાર્થીઓના ઉજ્જવળ ભવિષ્ય માટે , ભૌતિક સુવિધાઓ વધારવા તેમજ ભૂતપૂર્વ વિદ્યાર્થીઓ એકજ સ્થળે એકજ દિવસે એકબીજાને મળે અને તેમના બાળપણના સ્કૂલના દિવસો, બનેલી ઘટનાઓ વાગોળે અને પોતાની સંસ્થાનું ઋણ ચૂકવવા માટે તત્પર એવા સર્વે વિદ્યાર્થીઓ, ગ્રામજનો તેમજ દાનવીરોને એકઠા કરવા સ્નેહમિલન  સમારોહનું આયોજન કર્યું હોઈ દરેકને શાળા પરિવાર હાર્દિક આમંત્રણ  આપે છે.

                          શ્રી આદર્શ કેળવણી મંડળ,
                     આચાર્યશ્રી તથા શાળા પરિવાર 
               શ્રી પટેલ કે જે પરિવાર આદર્શ વિદ્યાલય, બોરુ 
pkjboru@gmail.com

@ શાળાની વર્તમાન જરૂરિયાતો @

 =>> શાળાના વિકાસપ્રેમી દાતાઓને જણાવવાનું કે આપના ગામના વિદ્યાર્થીઓનો વિકાસ થાય, આજની ટેકનોલોજી સાથે તાલ મિલાવી શકે અને ગામના વિદ્યાર્થીઓને ગામમાંજ તાલુકાની સ્કૂલો જેવી ભૌતિક સુવિધાઓ મળી રહે તે માટે નીચેની જરૂરિયાતો ઉભી થઇ છે.

(1) શાળાની સંખ્યા વધતા સમૂહ પ્રાર્થના અને સમારોહ કરી શકાય તેવો વિશાળ પ્રાર્થના હોલ.
(2) સંખ્યાની જરૂરિયાત પ્રમાણે વધારાના કોમ્પ્યુટરો અને કોમ્પ્યુટર લેબની વ્યવસ્થા.
(3) બાળકોની સંખ્યા પ્રમાણે સગવડયુક્ત પાણીની પરબ.
(4) ધો-12 શરુ થયા પછી અવેજી શિક્ષકોના માનદવેતન માટે શિક્ષણફંડની વ્યવસ્થા. 
(5) શાળાના આર્થિક મુશ્કેલીવાળા બાળકોને સહાયક બનવા વિકાસફંડ .
(6) શાળા કેમ્પસનું બાકી રહેલ દિવાલનું કામ.
(7) વ્યાયામના સાધનો માટે અલગ વ્યાયામ ખંડ.
(8) ચોકીદાર માટે અલગ ઓરડીની વ્યવસ્થા.
(9) વૈશ્વિક વિકાસ સાથે સ્માર્ટ ક્લાસ અને પ્રોજેક્ટર થકી શિક્ષણ માટે વ્યવસ્થા. 
(10) શાળાના બાળકોના ઈતર વાંચન માટે અધતન પુસ્તકાલય.
 pkjboru@gmail.com

@ વેબસાઈટના દાતાશ્રી @

શાળામાં અભ્યાસ કરતા વિદ્યાર્થીઓના વિકાસ માટે થતી વિવિધ પ્રવૃત્તિઓ દૂર બેઠેલ દરેક વ્યક્તિ જોઈ શકે તે માટે તેમજ નવી ટેકનોલોજી સાથે તાલ મિલાવવા માટેજ આ વેબસાઈટ બનાવી છે. આ વેબસાઈટના દાતા જે પણ બનશે તેમનો ફોટો વેબસાઈટ પર કાયમી મૂકવામાં આવશે..
pkjboru@gmail.com

@ વિદ્યાર્થી જોગ @

આ સંસ્થામાં અભ્યાસ કરી કોઈ પણ જગ્યાએ ઉચ્ચ પદવી મેળવનાર કે  વિદેશમાં સ્થાયી થયેલ શાળાના દરેક ભૂતપૂર્વ વિદ્યાર્થીને જાણ થાય કે તમે સંસ્થાના ઇમેલ પર તમારો ફોટો મોકલશો તો તેને આ વેબસાઈટ માં મૂકવામાં આવશે અને તેને અમે અમારી સંસ્થાનું ગૌરવ ગણી છું.
pkjboru@gmail.com  

@ WELCOME TO BORU HIGHSCHOOL @

=>>શ્રી પટેલ કે.જે. પરિવાર આદર્શ વિદ્યાલય, બોરુ ગામના તમામ વડીલો, માતાઓ, ગ્રામજનો, ભૂતપૂર્વ વિદ્યાર્થીઓ, દાતાશ્રીઓ, સર્વ શિક્ષણ પ્રેમીઓ, તારલાની જેમ ચમકી રહેલા વિધાર્થીઓ તેમજ અમારી સંસ્થાના ઋણી સર્વેનું શાળા પરિવાર હાર્દિક સ્વાગત કરે છે.

=>>વિદ્યાર્થીઓના શ્રેષ્ઠ  વિકાસ માટે  દરેક મિત્રો  અમારી સ્કૂલમાં અવશ્ય પધારતા રહો અને અમને સલાહ, સુચન અને તમારા માર્ગદર્શનનો લાભ આપતા રહો.

            -શ્રી નારાયણભાઈ જે. ચૌધરી (પ્રિન્સીપાલ)    
pkjboru@gmail.com

@ વ્યસન મુક્તિ અભિયાન @

વ્યસન એ તમારી સાથે જ રહેતો તમારા મિત્ર જેવો છે પણ તે તમને ખતમ કરનારો મોટામાં મોટો શત્રુ છે. વ્યસન કરતાં પહેલા તમે ક્યારેય વિચાર કર્યો છે કે તેનાથી જો તમને કંઇક થઇ જાય તો તમારા પર નિર્ભર તમારી પત્ની, બાળકો, માતા-પિતા, ભાઈ-બહેન અને સગા-સંબંધીનું કોણ ? તમારા પછી તમારા પર આશ્રીત વ્યક્તિઓનું શું થશે? વ્યસન એ મોજમસ્તી, મિત્રતા કે ટેન્શન દુર કરવાનું કોઈ સાધન નથી. ભાઈઓ આજથી જ જાગો અને સંકલ્પ કરો કે તમે વ્યસન નહિ કરો અને તમારા કોઈ મિત્રને તેની સાચી સમજ આપશો. કોઈપણ વ્યસનની શરૂઆત નાની અમથી લાગતી ગુટખા, પાન-મસાલા કે સોપારીથીજ થાય છે.
pkjboru@gmail.com

@ શાળાનો ઈતિહાસ @

=>> કોઈ પણ સંસ્થાના પ્રાગટ્યમાં સમાજની અનિવાર્ય જરૂરિયાત, વિકાશશીલ દ્રષ્ટીબિંદુ અને સુજ્ઞ વિચારશીલ વ્યક્તિઓની સ્વપ્નસિદ્ધિ કારણભૂત હોય છે અને તેમાં કર્મયોગીઓનો કર્મ યોગ ભળે છે, ત્યારે સ્થપાય છે એક વિશાળ  સંસ્થા.
=>> શાળાની સ્થાપના કન્યા કેળવણીના ઉમદા હેતુ સાથે ગ્રામજનો દ્વારા ઈ.સ.1980 માં શ્રી અંબાજી માતાના મંદિરમાં 30 વિદ્યાર્થીઓથી  શરૂઆત કરવામાં આવી હતી
=>> મકાનની જરૂરિયાત અને ભૌતિક સુવિધાનો પ્રશ્ન ઉભો થયો ત્યારે પટેલ કકુબા જીવાભાઈ પરિવારના શિક્ષણ પ્રેમી અને દીર્ધદ્રષ્ટા દીકરાઓ શ્રી નારાયણભાઈ તથા પ્રહલાદભાઈના સહયોગથી અને ગ્રામજનોના પરિશ્રમથી પાકા મકાનની વ્યવસ્થા થઇ.
=>> સૌપ્રથમ 1980માં માધ્યમિક વિભાગથી શરૂઆત થઇ ધીમે ધીમે સંસ્થાએ પ્રગતિ કરીને ઈ.સ.1994 થી પ્રાથમિક(ખાનગી) વિભાગ શરુ કર્યો. વિદ્યાર્થીઓ નવી ટેકનોલોજી સાથે તાલ મિલાવી શકે, કંઈક નવું  શીખે તેવા હેતુથી ઈ.સ.2009 થી કોમ્પ્યુટર શિક્ષણની શરૂઆત કરવામાં આવી. ઈ.સ.2011થી ઉચ્ચતર માધ્યમિક વિભાગની શરૂઆત કરવામાં આવી.
=>> આમ ગ્રામજનોના અને દાનવીરોના સહયોગથી 30 વિદ્યાર્થીઓથી શરુ કરેલ  સ્કૂલ આજે વટવૃક્ષ બનીને બાળકોને મીઠા ફળ આપી  રહી છે.
=>>ગામના  શિક્ષણપ્રેમી વ્યક્તિઓ, જાગૃત યુવાનો અને દાનવીરોને નમ્ર સુચન છે કે  આપ સૌના સાથ અને સહકારથી સ્કૂલને નવા શિખરો સર  કરાવીએ અને ગામનું નામ રોશન કરીએ.